Fish & Ships

Fish & Ships pale ale er eit heiløkologisk koparfarga overgjæra øl brygga med ulike malttypar (pale ale malt, Münchnermalt og karamellmalt), umalta korn (emmer, spelt og bygg) og ei blanding av klassiske og moderne humlesortar (Perle, Hersbrücker Spät, Cascade og Mandarina Bavaria). Ølet har ein fruktig aroma der humla, malten og husgjæra vår spelar på lag. Smaken er lett søtleg med eit fint maltpreg balansert opp mot ei solid bitterheit og smakar av ulike frukter som glir over i ein lang ettersmak. Ølet er gjæra i opne gjæringskar og er korkje filtrert eller tukla med på nokon anna måte. På grunn av dette kan øla framstå som uklar, også på grunn av at vi brukar umalta korn i oppskrifta for å betre kompleksiteten og kornpreget i øla. Show Less